Kryeministri Albin Kurti pas protestës të mbajtur sot në veri të vendit ka reaguar duke shkruar në Twitter se Gjyqësori është i pavarur nga Qeveria, dhe ndoshta presidenti Vuçiq largon nga puna gjyqtarët e prokurorët por kjo nuk ndodhë në Kosovë, shkruan arbresh.info.

“Unë nuk jam as kryetar dhe as anëtar i Këshillit Gjyqësor të Kosovës. Gjyqësori është i pavarur nga Qeveria. Ndoshta në Serbi presidenti pezullon dhe largon gjyqtarët dhe prokurorët. Ky nuk është rasti në Kosovë ose me gjyqtaren Stevanoviç. Ne jemi vendi më demokratik në Ballkanin Perëndimor, plotësisht në linjë me BE-në dhe NATO-n”, ka shkruar Kurti.

Pasi KGJK-ja vendosi ta suspendojë kryetaren e Gjykatës Themelore në Mitrovicë, Liljana Stevanoviq e cila mori pjesë në mbledhjen Sigurisë të thirrur nga presidenti Vuçiq, Lista Serbe organizoi protesta sot në Mitrovicën e Veriut.

E ministri për Komunitete dhe Kthim, Goran Rakiq, gjatë protestës u mbajt në veri të Mitrovicës, ka thënë se nuk do të punojë asnjëri prej tyre që punojnë në institucionet e Kosovës në Veri, derisa të kthehet në punë kryetarja e Gjykatës Themelore në Mitrovicë, Liljana Stevanoviq.

“Sipas informacioneve që morëm sot në mëngjes, unë dhe kryetarët e komunave, gjyqtarët e nacionalitetit serb dhe punëtorët e gjykatës, organeve të gjyqësisë sot nuk kanë shkuar në punë. Nga sot në mbështetje të Kryetares së shkarkuar të Gjykatës edhe ata janë suspenduar dhe kështu do të jetë derisa Ljiljana Stevanoviç nuk kthehet në punë”, tha Rakiq nga protesta./arbresh.info/

Mblidhen serbët në veri të Mitrovicës

Goran Rakiq: Të gjithë do të suspendojmë veten nëpër institucione

Rakiqi thotë se Vuçiqi ju kërkoi të mos largohen prej institucioneve të Kosovës

Mblidhen serbët në veri të Mitrovicës